Koteto Ezkurrak urriaren 6an jokatuko du profesionaletako azken partidua, eta beraz, azken 10 partiduetan aurrenekoa jokatuko du gaur.
Galarretako jaialdian, 16:00etan hasita bigarren partidua izango da Ezkurrarena. Erremonteak izan duen maisu eta pelotaririk haundienetakoa da Ezkurra, Oriamendi enpresak azaldutakoaren arabera, eta beraz, maila altuko partidua espero da. Izan ere, Ezkurrarekin batean, Barrenetxea IV hernaniarra ariko da; egungo atzelaririk lehiakor eta onena. Aurrez aurre, berriz, Urriza, egungo aurrelari eta erremontista nagusia, eta Ion, atzelarietan bi-hiru onenen artean dabilena.
Aurretik jokatuko den partiduan, Eloy eta Garces, Aldabe eta Martirenaren kontra ariko dira, eta ondorengoan, Urtasun eta Larrañaga, Segurola eta Zalduaren kontra
Ansa II aurrera, Buruz Buruko prebian
Laugarren partidua Buruz Buruko prebiakoa izango da: Azpiroz eta Juanenearen artekoa. Asteartean jokatu zen aurrenekoa, eta Ansa IIk lortu zuen Segurolari irabaztea, 30 eta 12. Horrela, prebiako finalera sartzea irabazia dauka. Horixe bera jokatuko da gaur.