Odola emateko hurrengo zita, biharkoa

Normalean hileko aurreneko asteartean jartzen du zita Odol Emaileen Elkarteak, baina hil honetan, astelehenarekin, bi­har jarri dute hitzordua. Ohi be­zala, odola eman edota organo donante egiteko aukera izango da. Ordutegia ere aldatu egingo da pixka bat, eta ordu erdi gehiago izango da odola emateko. Horrela, bihar 18:00etatik 20:30etara izango dira Odol Emaileen Elkartekoak herritarren zain, anbulatorioan. Uz­tai­le­ko datuei dagokienez, 49 lagun gerturatu ziren odola ema­tera; horietatik 2, berriak. Ez zen organo donante berririk izan.