San Inazio eguneko festa bereziaren lekuko izango da gaur, beste behin, Santa Barbara. Urteroko plana prestatu dute bertan, ohiko ekintzekin eta urteroko xarmarekin, Morkaiko eta San Joan Konpartsa elkarteek.
Iñaki eta Joxe trikitilariak, eta Eli Pagola eta Iker Ormazabal Tturko bertsolariak ariko dira giroa jartzen egun osoan zehar.
Eta eguerdian, herri kirol saio polita izango da, aurten ere. Aurrena, ingudearekin erakustaldia eskainiko dute Ane Arrozpide eta Aimar Iradi ama-semeek. Eta gero, bi talde ariko dira aurrez aurre: Juan eta Aritz Esnal aita-semeak aizkoran, eta Mikel Loidi eta Beñat Goenaga txingekin eta korrika. «Neskak bilatzen aritu gara, baina ez dugu besterik topatu. Ea datorren urterako animatzen diren», azaldu dute antolatzaileek.
EGITARAUA
10:00, Iñaki eta Joxe trikitilariak.
11:30, Lore eskaintza, txistulariak, eta bertsolariak: Eli Pagola eta Iker Ormazabal Tturko.
12:00, Meza, Santa Barbarako ermitan.
13:00, Herri kirolak.
-Ane Arrozpide eta Aimar Iradi ama-semeen erakustaldia, ingudearekin.
-Bi talde elkarren kontra: Juan eta Aritz Esnal aita-semeak aizkoran, eta Mikel Loidi eta Beñat Goenaga txingekin eta korrika.
14:00, Herri bazkaria, Santa Barbara jatetxean: Paella, entrekota, gazta tarta, kafea eta kopa. Txartelak salgai, 25 euroan: Aralar tabernan eta Santa Barbara jatetxean bertan.
16:30, Haur jokoak eta txokolatada.
17:30, Erromeria.
19:00, Herrira jaitsiera.