berriz ere seigarren postuan sailkatu zen atzo, Hernaniko Maialen trainerua, Lekeition. ETE Ligako bosgarren jardunaldia jokatu zen eta Xabier Zabalak zuzentzen duen ontzia gero eta hobeto dabilela erakutsi eta konfirmatu zuen. Egun batean izan daiteke hobekuntza, baina Hernanik aurrera pausoak eman ditu estropadaz estropada. Eta horrek esan nahi du gero eta txalupa azkarragoa dela. Atzokoan lehenengo postutik 30 segundora sailkatu zen eta bigarren postua 26 segundora eta ohorezko hirugarren postua 17 segundora geratu ziren.
Estropada Donostiarrak irabazi zuen; 12:19ko denborarekin, bigarren Deusto sailkatu zen 12:23 denborarekin, hirugarren Hibaika (12:32), Kaiku laugarren (12:42), bosgarren Tolosaldea (12:48), Maialen seigarren (12:49), zazpigarren Lea Artibai (13:17), Lapurdi zortzigarren (13:45) eta bederatzigarren Colindres (14:47).
Sailkapen nagusian eroso daude neska hernaniarrak seigarren postuan 19 punturekin. Eta ikusirik Euskotren Ligan dauden lau traineruak esan daiteke Hernani Kontxara sailkatzeko borrokan sartuko dela.
Leketition, Euskadikoa
Hala ere, aurretik estropada gehiago daude eta lehendabizikoa etzi, asteartean, berriz ere Lekeition izango da. Euskal Herriko Txapelketa 12:00etan hasiko da eta Maialen lehendabiziko txandan irtengo da.