Udako Zinemaldiaren hirugarren edizioa gaur hasiko da Hernanin. Emanaldiak bi jardunalditan banatu dira: gaur eta bihar. Aurtengoan ere emanaldiak udaletxeko arkupeetan izango dira, 22:00etan hasita. Lehenengo pelikula, gaur eskainiko dena, Una mujer fantástica txiletarra da, 2017an estreinatua. Aurten, ingelesez ez den film onenaren saria irabazi du Oscar sarietan. Hori da sarietako bat, baina urte osoan zehar hainbat eta hainbat sari desberdin irabazi ditu zinemaldi eta sari desberdinetan. Galdu ezinekoa eta pena merezi duen pelikula da.
Bihar, 22:00etan, Alanis pelikula argentinarra eskainiko da arkupetan. Pelikula honek ere irabazi ditu sariak. 2017an, Donostiako Zinemaldian Zuzendari eta aktore onenaren (Sofia Gala) Saria. Eta 2017an La Habanako Zinemaldian ere sari berdinak irabazi zituen.