Txistularik eta kanpaiak izan ziren protagonista Aranon larunbatean, San Roke egunez. Guztira 18 txistulari elkartu ziren, eta bazkaritan, Antonio Ezeiza Urruzmendi kanpai-jolea omendu zuten. Astigarragako Santiomendiko ermitan, berriz, dantzariek jarri zuten giroa, meza ondorenean.
Aurretik, Amabirjin egunean auzoko festa izan zen Santiomendin. Tortilla lehiaketan Begoña izan zen txapelduna, eta idi proban, Olaizola eta Areizaga, 62 plazarekin; Matxin eta Lasak 28 eta lau metro egin zituzten. Tokan, berriz, Irati eta Antonio izan ziren garaile, eta baserriko sagardo onena, Fraile baserrikoa aukeratu zuten.