CD Hernaniko futbol talde batzuk hasi dira lanean, eta aurreneko lagunarteko partiduak bihar bertan jokatuko dituzte, Zubipen. Aurrenekoa Nazional mailako Ohorezko Jubenilen partidua izango da: 10:00etan ariko dira, Eibarren kontra. Astebe izan du taldeak, prestaketa lanetarako. Ohorezko Erregional Mailakoak, berriz, asteazkenean hasi zen entrenatzen, eta bihar jokatuko du lagunartekoa, baita ere. Lagun Onak izango dute aurkari, eguerdiko 12:00etan Zubipen.