Herria, harrobia berreskuratzen

HERNANIKO Udalak eta RB3 enpresak Santa Barbarako ha­rrobia berreskuratzeko parte hartze prozesua aurkeztu zu­ten astelehenean. Prozesua irailean eta urrian izango da eta, guztira, lau tailer egingo dira. Lehenengoa, egoeraren eta mugen berri izateko; bigarrena, erabilera posibleak proposatu eta bideragarriak diren hausnartzeko; eta beste bi tailerrak erabakitzeko izango dira. Azaroan behin betiko txostena egingo da eta erabakiak gauzatzeko behar diren pausoak emango dira.
Santa Barbarako harro­biaren betetze lanak amai­tuta, aisialdirako gune bila­katu nahi dute harrobia, eta pro­zesu ho­nen bitartez, nahi dute herritarrek erabaki de­za­ten, nolakoa izan behar den, eta zein jarduera egingo diren bertan. Luis Intxauspe alka­teak eta  RB3 enpre­sako ordez­kariek zehaz­tu zuten, nola egingo den partehartze prozesu hori.
Alkateak gogorarazi zuen 2010ean Campezo S.A. enpresarekin sinatu zela hi­tzar­men bat harro­bia bete­tze lanak burutzeko eta, zortzi urte igarota, aisialdi parke bat egiteko kon­promisoa hartzen zuen. «Ez da osorik bete, %25a bakarrik bete da eta kontratua amaitu da. Horrek esan nahi du ez dela gehiago beteko eta espazio horrekin zer egin dezakegun erabaki eta pen­tsatu behar da. Eraikinik ezin da egin. Bisi­tekin, taile­rre­kin... azken fi­nean definitu behar da pro­zesuan zer egin eta zer erabilpen emango diogun ha­rro­biari» eta meto­dologia aurkeztuko da.
Ondoren hitza RB3 en­presako ordezkariek hartu zu­ten. Harrobiaren historia gai­netik azaldu eta gero me­todologia azaldu eta aipa­turiko epeak jarri zituzten jarri zituzten.
Lehenengo bileran 15 herritar inguruk hartu zuten parte.