Urdangarin eta Balerdi hirugarren, Frontoi-Txikin

Sasoi onean dabiltza, Ekiñe Balerdi eta Garazi Urdangarin palista hernaniar gazteak. Tilos 7 Pasan txapela jantzi ondoren, Zarautzen aritu dira orain, Frontoi-Txikiko txapel­ketan. Baita ederki aritu ere! Hirugarren postua lortu zuten.
Guztira, zortzi bikote aritu ziren lehian, eta finalerako sailkatzea lortu ez bazuten ere, hirugarren posturako partidua jokatu zuten, Mirian Arrillaga eta Miren Alkaide­ren kontra. Partidu gogorra izan zuten azkeneko hori, oso luze jo zuen, eta oso ber­din­dua izan zen. Azkenean, garai­pena lortu zuten Balerdik eta Urdangarinek (30-27), eta hi­ru­ga­rren postuarekin batera, trofeoa ekarri zuten.
CD Hernaniko pala sai­le­tik, azpimarratu dute txa­pel­ketak izan zuen maila: «oso na­barmena da, federatuetan ari direnen maila ona, nahiz eta frontoi txiki horretan jokatzeak, abilezia haundiak edukitzea eskatzen duen».