Onenetatik gertu, oso gertu aritzeko moduko estropada egin zuen atzo, Pasai San Pedroko uretan, Hernaniko Maialen traineruak. Baina azkenean, aurrekoetan baino postu kaxkarragoarekin bueltatu zen, zazpigarren bukatuta. Izan ere, ziaboga istriborretik hartu zuten, eta zuzentzen, denbora asko galdu zuten hernaniarrek.
Galera horrekin, segundu erdiko aldea atera zien Lea Artibaik, eta sei segundukoa Kaikuk. Trabatu ezean, ez zituzten aparte izango, estropadako lau onenak. Tolosaldea, atzoko irabazlea, 35 segundu azkarrago aritu zen soilik.
«Oso sentsazio onak izan ditugu, baina ziabogan denbora asko galdu dugu. Izango dira hobeak, noski!», zioten hernaniarrek, estropada bukatuta.