Bukatu dituzte Santa Barbarako harrobiaren betetze-lanak, eta orain, aisialdirako gune bilakatu nahi du Udalak. Horretarako, partehartze prozesua jarriko dute martxan, herritarrek erabaki dezaten, zer-nolako erabilerak izango dituen. Laster jarriko dute prozesua martxan, eta horri buruzko xehetasunak azaltzeko, bilera irekia deitu dute datorren astelehenean. Udaletxeko areto nagusian izango da, arratsaldeko 19:00etan hasita.