Bost partidu jokatu dira aste honetan, Buruntzaldea Torneoko sailkatze fasearen barruan; eta gaur eta bihar jokatuko dituzte, fase horretako azkeneko partiduak, Hernanin.
Gaurkoan, 18:00etan hasita, Oiarpeko Aranburu eta Elgerresta ariko dira aurrena, Gure Txeruko Eizagirre eta Beristainen kontra, kadeteetan; eta gero, nagusietan, Oiarpeko Pagola eta Ugalde, Gaztelekuko Ezeiza eta Arrateren kontra.
Bihar, berriz, Urkizu eta Labaka hernaniarrak ariko dira nagusietan, 16:30etan hasita, Tolosako Beloki eta Aizpitarteren kontra; eta ondoren, Intzako Urkia eta Elola, Epleko Chiapuso eta Aranbururen kontra.
Astelehenean, galdu egin zuten Oiartzabal eta Albeniz II kadete hernaniarrek, Mundarroko Lizeagatarren aurrean (5-18), baina irabazi egin zieten asteazkenean, Gaztelekuko Arrillaga eta Uriari (18-13).
Jubenil hernaniarren arteko lehian, Arizmendi eta Insausti nagusitu ziren, Salaberria eta Zugastiren kontra (18-15).