«Odola emateak ez du inongo kalterik egiten; odola berritzen du, eta hori oso ona da»

Joan den urteko datuak bildu, aztertu eta sailkatu ondoren, txosten mardula argitaratu du Gipuzkoako Odol Emaileen El­karteak, 2017 urteko estrak­zio­ek eman zutenaren ingu­ruan. Horrela, herriz herri, adinaren eta sexuaren arabera multzo­katu ditu odol emaileak, eta ba­tzuetan eta besteetan dau­den emaile beharrak azaleratu ditu.
«Kalkulatzen da, mundu mailan, beharko litzatekeela po­pulazioaren %3a odol emai­le izatea», azaldu dute Jose Mari Elordi eta Joxe Ramon Beroiz Hernaniko Odol Emaileen El­kar­teko kideek. «Hernanin, hori lortzeko, 601 odol emaile behar­ko genituzke», diote.
Kopuru horretatik urruti xamar daude, 2017ko datuak: 313 odol emaile izan ziren, eta beraz, 288 faltako lirateke, mi­nimo horretara iristeko. Baina ez da kezkagarria, biek adiera­zi dutenez: «izan ere, emaile finak dauzkagu, askotan ema­ten dutenak, eta joan den urte­an, 762 odol emate izan ziren. Hernaniko anbulatorioan 632, baina horri gehitu behar zaiz­kio Oronan eman zutenak (43), eta zuzenean Donostiara joan ziren hernaniarrenak (87). Gai­nera, hor ez daude sartuta Ere­ñotzuko odol emateak; 2017an 36 estrakzio izan ziren».

Sexuaren arabera pareko; helduagoetan emaile gehiago
Datuak multzoka aztertuz gero, parekotasuna da nagusi, sexu­a­ren araberako sailkapenean. Gizonezkoetan 158 izan ziren iazko emaileak, eta emaku­mez­koetan 155.
Aldeak nabarmenagoak di­ra, adinaren arabera sailkatuz gero. Orokorrean, adinean go­ra egin bezala, haunditu egiten da odol emaile kopurua. 18-32 urte bitartekoetan, 77 dira odol emaileak; 33-47 urtekoetan, be­rriz, 79 emaile; eta 48-62 urte­ko­en artean dator saltoa, 157 baitira odol emaileak. Hori nabarmenagoa da gizonez­koe­tan; izan ere, 53 eta 62 urte ar­tekoak dira odol emaile gehie­nak, alde haundiarekin. Ema­kumezkoetan, aldiz, azpima­rra­tzekoa da, 18-32 urte bitarteko emaileen kopurua (51).

«Deialdi bereziak egitea, kalterako izan daiteke»
Gipuzkoan, badira herriak, Her­nani bezala, emai­le defizita dau­katenak, eta beste batzuk superhabita dutenak. Baina maila globalean, odolez «oso juxtu» dabiltza, Elordik eta Be­roizek diotenez: «lehen 30.000 donazio izaten ziren urtean, eta orain 20.000ra ez da iristen».
Zentzu horretan, nabar­men­du dute «kalterako» izan daitezkeela, istripu larriren bat edo horrelakoak gertatzen direnean egiten diren deialdi bereziak: «jende pila bat etor­tzen da, baina hori ere ez da ona. Izan ere, egun horie­ta­ra­ko odola soberan izango dugu, baina 14 egunez bakarrik kon­tserbatu daiteke, eta hurrengo deialdian, faltan izango dugu, jendeak ezin duelako bi hila­be­tetan segidan eman odola».

Hurrengo zita, gaur zortzi
Elordik eta Beroizek, eskerrak eman nahi izan dizkiete Her­naniko odol emaileei, «bene-be­netan», egi­ten duten «ekar­pen desin­te­re­satuagatik; poza ematen du. Eta horrela jarrai­tzera animatu nahi ditugu, oso ondo ari gara eta».
Datorren astelehenean izan­go dute hurrengo zita, Herna­ni­ko anbulatorioan, ordutegi za­ba­la­goarekin; 18:00etan hasi, eta 20:30ak arte. Eta emaile ez direnei ere luzatu diete deia: «odola emateak ez du inongo kalterik egiten. Onura ekar die­zaioke emaileari, odola be­rri­tzen laguntzen duelako, eta hori oso ona da».