Kaxueliten garaia da uztaila, Hernaniko tabernetan

Aurten ere antolatu du Kaxue­­litaren Hamabostaldia, Her­na­­ni­ko Berriak merkatari eta osta­larien elkarteak. Joan den astelehenean jarri zuten mar­txan, eta oraindik egun asko dauzkate aurretik, herritarrek, kaxuelita ezberdinak dastatze­ko; hilaren 29ra arte izango da aukera, hain zuzen ere.
Berriak elkartearen bost ta­­bernatan prestatu dituzte kaxuelitak, eta astelehenetik ostiralera dastatu daitezke, «arrazoizko prezioetan».
Atxurren, albondiga kaxuelita daukate, 2 euroan, arra­tsaldeko 19:00e­ta­tik 21:00etara bitarte. Goiz Argin, provolone ka­xuelita das­tatu daiteke, 5 eu­roan, 18:00etatik 20:30etara. Kix­kalen, berriz, espinaka-ibe­riko gratinatua dago aukeran, 3,5 euroan, 19:00etatik 21:30e­ta­ra. Tripontzin muskuiluak das­tatzeko aukera dago, 4,8 euroan, 19:00etatik 21:00etara. Joxe Marin, brotxeta eskatu daiteke, 5 euroren tru­ke, 19:00etatik 21:00etara. Eta azkenik, Otaegi edarietxean, masaila saltsan daukate, 4 euroan, 19:30etatik 22:00etara bitarte.