Asteartean jokatu ziren, Galarreta frontoian, erremonteko Buruz Buruko Txapelketa Nagusiaren hiru prebia. Aurrenekoan Garces nagusitu zen, Arruarteri irabazteko asko sufrituta azkenean (30-28). Bigarrenean, berriz, ez zuen itzulera onena izan Urtasunek: 21-19 irabazten ari zela, partidua utzi behar izan zuen, lunbareetan tiroia izan ondoren; Goikoetxea Vek egin du aurrera, beraz. Eta hirugarrenean, Aldabe nagusitu zen, Labakaren kontra (30-18).