Eguraldiagatik aldaketak gaur, Udaparkeanen estreinakoan

Hiru eguneko plana antolatu dute aurten, Ave Maria par­ke­an, Udaparkean egitasmoaren barruan, gaur hasi eta larun­ba­tera bitarte. Baina gaurko­an, estreinako egunean, alda­ke­tak izango dira, egural­dia­gatik. Izan ere, ekaitz arriskua dago 19:00etatik aurrera, eta es­pero da euri asko egitea, denbora gutxian.
Aurrena, Ttapa-Ttapa ibi­lal­di musika­tua egingo dute, Atse­gin­degitik 18:30etan abia­tuta; baina Ave Marian bukatu beharrean, Atsegindegin bertan bukatuko dute. Broken Bro­thers Brass Band izango dute lagun ibilbidean; Iru­ñe­ko mu­sika talde gaz­tea.
Ave Maria parkean egite­koak ziren, eguneko bigarren saioa ere: Babo Royal kale antzer­kia, Ganso&Cia konpai­niaren eskutik; hi­tzik gabeko ikuski­zu­na. Baina azkenean, Atse­gin­degin egingo dute, egu­ral­­dia­ren iragarpenagatik. Ilun­tzeko 20:00etan hasiko da.
Eta gaurko emanaldiei itxi­era eman behar ziena, Koban taldea­ren kontzertua, bertan behera geratu da, azkenean.
Biharko ere bada aldake­ta­rik. Xirimiria dago aurrei­ku­si­ta egun osorako, eta printzipioz, Ave Marian egiten saiatuko dira, Xip-Xap konpainiaren Trans­hu­­mancia kale antzer­kia, eta Kukai eta Brodas Bros taldeen Topa ikuskizuna. Bes­te­la, Atsegindegin izango dira. Paddin­gton 2 pelikularen ema­naldia, ordea, bertan be­he­ra.
Eta larunbatean, eguerdi­tik aurrera ona eguraldi emanda badago ere, adi egongo dira. Euria eginez gero, Atseginde­gi­ra mugituko dute La Trócola­ren zirku emandaldia, eta Bite­rira Imanol Jazz kontzertua.