Joan den asteazkenean bete ziren 40 urte, poliziak tiroz hil zuela Joseba Barandiaran astigartarra, Iruñeko San Ferminetan. Eta berari eskainitako muralaren aurrean, omenaldi berezia egin zioten. Andoni Gartziak, gogora ekarri zuen «borrokalaria eta ameslaria» zela Barandiaran; lore eskaintza egin zieten bere senideei, Ahaztuak elkartekoek, eta oroigarria eman, Iruñeko peñetakoek. Aurreskua ere dantzatu zieten gero, eta hitzaldi ezberdinen artean, Agin Labururen bertsoekin eta abeslarien doinuekin borobildu zuten omenaldia.