Bi ikastaro antolatu ditu Udalak, uztailerako, nerabeak bideogintzan trebatzeko. Aurrenekoa, bihar bertan hasiko da, 12-14 urteko gaztetxoei bideratutakoa, eta bideoak sortzen ikastea izango du helburu. Lau saio egingo dituzte, hilaren 19, 20, 23 eta 24an, goizeko 11:00etatik 13:00etara, kultur etxeko KZgunean.
Bigarren ikastaroa, berriz, datorren astean izango da, hiru egunez; uztailaren 25ean hasi, eta 27ra arte. Ordutegi berean emango dute hori ere, 11:00etatik 13:00etara. 15 eta 17 urte bitarteko gazteentzat izango da, eta sare sozialetan eduki ikusgarriak sortzera egongo da bideratuta. Bertan ikasiko dute, besteak beste, Crello eta Canva bezalako diseinu programak erabiltzen.