Donostian zeukaten zita, aurreko ostegunean, atleta hernaniarrek, partehartze irekiko probetan. Eta bertaratu zirenek, Malen Martinez Arrillagaren erakustaldiaz gozatu zuten, Anoetako miniestadioko pistan.
Sekulakoa egin zuen atleta hernaniar gazteak, 100 metro hesidunetan. Primeran hasi zuen proba, eta ziztu bizian osatu zuen lasterketa: 14,45 segundutan gelditu zuen kronometroa. Horrekin, probako garaipena lortu zuen, baina baita askoz ere gehiago: bere marka onena da, eta Espainiako Txapelketa absoluturako minima ere bai!
Bere lasterketaren bideoa ikusgai dago, CD Hernani Atletismo taldearen Facebookeko orrialdean.