Juan Cisneros langile hernaniarra duela urte bete hil zen biriketako minbiziaren ondorioz. Gureola-Scott paper-fabrikan egin zuen lan eta amiantoarekin kontaktuan egon zen 30 urte baino gehiago. Bihar, familiak kalte ordainen epaiketa izango du, goizeko 11:00etan, Donostiako epaitegian. Alargun eta seme-alabek kalte ordainengatik 156.000 euroko eskakizuna egiten dute. Amiantoak kaltetu eta sortu zuela minbizia argudiatzen dute.
Horrexegatik Asviamiek, Euskadiko amiantoaren biktimen elkarteak, kontzentrazioa deitu du epaitegiaren aurrean 11:00etan, epaiketa hasten den unean. Eskakizuna eta konpentsazio funtsa sortzearen alde egingo dute kontzentrazioa.
1962tik papeleran lanean
Cisneros paper-fabrikara sartu zen lanera 1962an ikasdun edo aprendiz bezela eta ondoren mekanikoen mantenuko ofizial egon zen 1993ra arte. Amiantoa manipulatzen zuen Mendia papeleran, gero Gureola-Scott edo Scott Iberican.
Langileari, 2016ko uztailean, biriketako kartzinoma diagnostikatu zioten Donostiako ospitalean. Osalanek 2016ko urrian egin zuen txosten batean kutsadura nola gertatzen zen azaldu zuen. Langileak egiten zituen lanak adierazi zituen eta lan hauek zuten arriskua. Erabiltzen ziren materialak minbizia eta gaixotasunak sortzen dituzte.
Ezgaitasun osoa, ebazpen batean
Arrazoi horiengatik, 2016ko urrian, gizarte-segurantzak ebazpen bat atera zuen non Juan Cisnerosi Lanerako Ezgaitasun Osoa eman zitzaion egin zituen lanek sortutakoa.
Asviamiek bidali duen prentsa oharrean dio «Egin zituen lanek amiantoarekiko esposizio haundia eta hiltzailea suposatzen zuten eta enpresak ez zituen beharrezko segurtasun eta garbitasun neurriak hartu. Ezta beharrezko osasun azterketak egin ere. Legediaren urraketa larria suposatzen zuen horrek eta gaixotasun larria garatu zuen, eta horren ondorioz hil zen».
Asviamie Donostiako Epaitegien aurrean kontzentratuko da 11:00etan eskakizuna eta konpentsazio funtsa sortzearen alde
Hamaikagarren biktima eta horietako asko Hernanin
Asviamieren esanetan, «ez zuen jaso minbizia arriskuari buruzko informaziorik, ez eta arnas babeserako baliabiderik». 1989an Lan Dermatosia eta Lanerako Ezintasun Osoa medio, lanpostua aldatu behar izan zuen, eta 1993an lanetik bota zuten.
Orain bi urteko udan, «sindikatuen aholkularitzari esker», lanbidearen eraginez sortutako gaixotasunak eragindako lanerako ezintasun osoa lortu zuen, eta horrela, pentsioa hobetu zuen. Asviamiek azaldu du lanean segiko duela «erakundeen isiltasunaren aurrean, bereziki Eusko Jaurlaritzako osasun arduradunen aurrean.