Lau hernaniarrak gaur iritsiko dira Oriora

LAU eta ez bi dira Zergatik ez? egitasmoan parte hartu duten hernaniarrak. Gaur iritsiko di­ra Oriora lau etapa osatu eta ge­ro, eguerdiko 12:30etan. Gu­rutze eta Edurne Yarza Odrio­zolaz gain badira beste bi herrikide 198 kilometroak osa­tu dituztenak: Idoia Urru­tia Pagola eta Alicia Arenal Re­dondo.
Ostegunean Oriotik Berme­ora joan ziren arraunean. Os­ti­ralean Bermeotik Portuga­letera, atzo berriz bueltan Ondarrun geratu ziren eta gaur amaituko dute ibilbidea Orion bertan. Bigarren etapa hasi aurretik lau herna­ni­arrek argazkia atera zuten Bermeoko portuan.
Hernaniarrak baina Orion bizi direnak izanda Zergatik ez? egitasmoan murgildu zi­ren laurak.  Beste 28 emaku­me­rekin batera, eta lau etapetan, Orio-Bilbo-Orio osa­tu­ko dute gaur arraunean traineruan.
Pasa den urtean sortu zen erronka aurrera eramateko ideia eta 40 urte inguru bete­tzear edo betetako emakume talde bati sortu zitzaion. Zerbait berezia egin nahi zuten eta Zergatik ez? egi­tasmoa martxan jarri zuten.
Txandakatuz joan dira lau egunetan eta iristeko gogoz egongo dira jadanik. Orioko Arra­un Taldeaz gain, lagundu dute Orioko Udalak eta Eusko Jaur­­laritzak; azken honek, Tknika eta Lanbide Hezi­ketaren bitartez, Tknika trai­nerua utzi die.