IRISTEAR da egun haundia Aitor Urkia hernaniarrarentzat. Bihar hasiko du lehiaketa 20 urtez azpiko Munduko Txapelketan, Tampere hirian. Finlandia dago kokatuta hiri hau eta Urkiak 6 kiloko mailu jaurtiketan hartuko du parte. 32 lehiakide daude guztira, bi taldetan banatuta finalerako sailkapenaren bila. Hamabi hoberenak lortuko dute sailkatzea. Bihar eguerdian ekingo diote txapelketari jaurtitzaileek.
Urkiak zaila izango du finalera sailkatzea 28garren marka baitu rankingean 68.68 metroko jaurtiketarekin. Txapelketan 1999, 2000, 2001 eta 2002an jaiotako atletak parte hartzen dute. Gehienak 1999 eta 2000koak dira. Urkiak 19 urte beteko ditu datorren asteartean. Gaurtik igandera arte jokatuko dira froga guztiak.
Urkia Espainiako selekzioan sartu da eta esperientzia ikaragarria biziko du, ez baita egunero Munduko Txapelketa batean parte hartzen eta guxiago atletismoa bezelako kirol lehiakor batean. Etorkizuneko atletarik hoberenak ikusi ahalko dira Finlandian gaurtik aurrera.
Urkiak zilarrezko domina eskuratu zuen, 20 urtez azpikoen Espainiako Txapelketan, Murtzian. Sei kiloko mailua, 66,05 metrora jaurti zuen, bigarren postua lortzeko.