Txistulari hernaniarrak, Segoviako folklore jaialdian

Asteburu berezia izan zen aurrekoa, Leokadisti Txistu Tal­dearentzat. San Joanak be­raien doinuekin girotu ondoren, Segoviara joan ziren, bertako folklore jaialdian parte hartzera; Agapito Marazuela topaketaren 35garren edizio­an, hain justu.
Hernaniarrek kalejira egin zuten, larunbatean eta igandean, beste sei talderekin ba­tera: Airiños de Fene gaitero banda, Candelas de El Casar, Ronda de los Llanos, Pifarados do Álvaro Pessoa, Ángel Rufino de Haro El Mariquelo, eta Mari­jabe. Otorduetan ere, jarri zuten giroa, eta hemengo makina bat doinu eraman zituzten Segoviako txokoetara. Besteak beste, Azeri Dantzaren doinua jo zuten, aste horren hasieran hainbestetan entzun genuena, Hernaniko kaleetan. Txalo zaparrada ederrak jaso zituzten, segoviarren aldetik.