Euskara doan ikastearen alde, AEK-ko ikasleak

Euskararen Gizarte Erakun­deen Kontseiluak kanpaina abiatu du, helduen euskalduntze eta alfabetatzea doan izan dadin. «Heldutan euskera ikasteak, ahalegin intelektualaz gain, ahalegin ekonomikoa eskatzen du gaur egun. Esku­bi­de hori (euskera ezagutzea) he­rritar guztiek bermatua izan dezaten lanean ari gara Hel­duen Euskalduntze eta Alfa­betatzean lan egiten duten er­agileekin batera.

Kanpaina horrekin egin dute bat, hain zuzen, Herna­nial­deko AEK euskaltegietako ikasle eta irakasleek ere, eta horregatik, hainbat argazki atera dituzte kanpinaren irudiarekin, «euskera doan ikastea» eskatzeko. 

Matrikula, udararako
Bestalde, irekita dago matrikula, uztailean eta irailean B1 eta C2 azterketak prestatzeko taldeetarako eta autoikaskuntza bidezko ikastaroetarako. Izena emateko, Hernani, Astigarraga eta Urnietako AEK euskaltegietara jo daiteke. Herri horietako Udalek diruz lagunduko dituzte eskolak.