Gaur bukatuko da Donosti Cup nazioarteko futbol txapelketa; eta finalisten artean Hernaniko talderik izango ez bada ere, maila onean aritu dira, hernaniarrak. Txapelketa hasi zuten bederatzi taldeetatik, bostek jokatu dute onenen fasea: Urumea ikastolak, 10 urtez azpikoetan; eta CD Hernaniko lau taldek (18 eta 14 urtez azpiko neskak eta mutilak).
18 urtez azpiko mutilak iritsi dira urrutien: final zortzirenetan Dunboa Eguzkiri irabazi (2-1), eta final laurdenetan, penaltietan galdu zuten Atletic Sant Justen kontra, 0-0 berdindu ondoren.
Adin bereko neskek, final hamaseirenetan galdu zuten, Rayo Vallecanoren kontra (0-1). 14 urtez azpiko neskak final zortzirenetan geratu ziren kanpoan, Madrid CFFren kontra (0-2); eta adin bereko mutilak final hamaseirenetan, Antiguokoren kontra (0-6).
Urumea ikastolako taldeak, azkenik, ligaxka bigarren bukatu ondoren, final hamaseirenetan galdu zuen, PA Team Academyren kontra (0-13).
Kontsolazioan, 13 urtekoak final laurdenetara
Kontsolazioko fasea jokatu zuten, aldiz, CD Hernaniko mutilen beste lau taldeek: 16 urtez azpikoen bi taldeak, eta 13 urtez azpikoen beste biak.
Gazteenen B taldea iritsi zen urrutien, final zortzirenetan Santo Tomas Lizeoari irabazita (2-1); final laurdenetan galdu zuen, Atletic Sant Justen kontra (1-5). A taldeak, berriz, La Garenari irabazi zion final hamaseirenetan (2-1), eta Internacionalen kontra galdu final zortzirenetan, penaltietan.
16 urtekoen B taldeak, penaltietan irabazi zion Mary Wardi, eta penaltietan galdu gero, final zortzirenetan, La Herraduraren kontra. A taldeak, hamaseirenetan galdu zuen, Antigua Luberrirekin (2-4).