Ekainaren 30ean, larunbatean, Astigarragak 31 urte bete zituen Donostiatik banandu eta herri independientea bihurtu zenetik. «Biztanleria eta alderdi politiko batzuei esker, EAJ-PNV hauen artean, Astigarragak atzera utzi zuen Donostiako auzoa izatea, 1941an, Francoren garaian, erabaki zen bezela».
Gogoratu behar da 1984garren urteko abenduaren 30ean egin zela erreferenduma desanexioaren alde edo aurkakoa. Emaitza baiezkoa izan zen eta bi urte eta lau hilabetera Batzar Nagusietan onartu zen, 1987ko ekainaren 30ean osatuz Udala.
Hau ez zen Astigarragaren lehenengo desanexioa izan. XVII. Mendean, Astigarraga Aiztondoko Alkatetza Nagusitik banandu zen. «Banaketa ez zen batere erraza izan, baina azkenean Astigarragari herrialdeko Batzar Nagusietara sei ordezkari bidaltzeko eskubidea eman zitzaion».
Hori baino lehenago, bestelako akordioak egon ziren, anexio eta desanexioak medio, esaterako Murgiako jaunekin egindakoa. «Historikoki, Astigarragak bere egoera hobetzea bilatu du, eta bizi dituen azkeneko 31 urteek arrazoia eman diote bai bere historiari bai desanexioaren alde bozkatu zuten alderdi politiko eta bizilagun guztiei».
EAJ-PNV Astigarragak «desanexioan eta baita independentziako lehenengo urteetan gure herrian lan egin zutenei eskerrak eman nahi dizkie eta baita bizilagun guztioi zoriondu Astigarragak bizi dituen 30 urte hauengatik ere».