Ipar Martxako proba izango da bihar, arratsaldeko 17:30etan hasita, Miramonen. Gipuzkoako aurreneko lehiaketa ofiziala izango da hori, eta probintziako txapelketa gisa balioko du. Guztira, 80 partehartzaile inguru izango dira, horietatik 10 bat hernaniarrak. Miramongo basoan egingo dute, 4,8 kilometroko zirkuituari bi itzuli emanda; guztira 9,6 kilometro. Espainiako Txapelketarako ere puntuagarria izango denez, toki askotatik etorriko dira; tartean, Arantxa Pinedo eta Pablo Ariza Espainiako txapeldunak. Izena eman daiteke oraindik, 15 euroan: www.herrikrosa.eus.