Beste txapela bat Lizeagak, eta Buruntzaldea torneoa martxan

Bolada ezin hobean dago Mar­kel Lizeaga pelotari hernaniarra, eta garbi geratu zen hori, Usurbilen ere. Txapela jantzi zuen Usurbilgo Torneoan, Xabi Santxorekin batera. 22-10 irabazi zieten finala, Tartaloetxe taldeko Azketa eta Elizegiri.

Aitor Gorrotxategi hernani­a­rrak jokatu behar zuen finala, berez; baina lesionatuta, ezin izan zuen jokatu, eta bere partez aritu zen Lizeaga. Ez zuen bere partidu onena jokatu, normalean baino pelota gehiago galduta; baina bikain aritu zen Santxo usurbildarra, eta txapelak janztea lortu zuen bikoteak, Eliteko Euskal He­rri­ko Torneoan bezala.

Buruntzaldeako Torneoa martxan, asteazkenetik
Eta dagoeneko, martxan da bes­te torneo bat ere, denboraldiko azkena, CD Hernanik an­to­latuta. Asteazkenean hasi zen Buruntzaldea Torneoa, eta hiru partidu jokatu ziren.

Hernaniarrek, hala ere, gaur egingo dute debuta: Jara eta Lasa kadeteak 18:00etan, Irazu eta Uriaren kontra; eta Ariz­mendi eta Insausti jubenilak segidan, Huitzi eta Eguskitza­ren kontra. Bihar 11:00etan, be­rriz, Insausti II eta Etxarri kadeteak ariko dira, Aranburu eta Zalakairen kontra; eta Sala­berria eta Zugasti jubenilak, Ga­larraga eta Urbietaren kontra.

Uztailean jokatuko da torneoa, Hernanin, eta Buruntzal­dea, Donostialdea eta Oarsoal­dea­ko 56 pelotari ariko dira, guztira: 16 kadeteetan, 16 jubeniletan, eta 24 nagusietan.