Sekulako mailan ari da Aitor Urkia atleta hernaniarra, eta maiatzean Munduko Txapelketarako marka minimoa lortu ondoren, han izango dela baieztatu du Espainiako Federazioak. Hori horrela, Finlandiako Tempere hirian lehiatuko da Urkia, 20 urtez azpikoen Munduko Txapelketan, mailu jaurtiketan. Datorren astean izango da hori, uztailaren 10etik 15era.
Joan den astean eman zuen deitutakoen zerrenda, Espainiako Federazioak; eta egun batzuk lehenago, beste lorpen haundi bat izan zuen Urkiak: zilarrezko domina eskuratu zuen, 20 urtez azpikoen Espainiako Txapelketan, Murtzian. 6 kiloko mailua, 66,05 metrora jaurti zuen, bigarren postua lortzeko.
Maila onenean iritsiko da, beraz, Mundialera.
Munduko Txapelketan izango da Aitor Urkia!
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!