Ikasturtea bukatuta, udako eskaintza zabaldu du Hernaniko AEK euskaltegiak. Bi motatako ikastaroak izango dira, aukeran: aurrez aurreko ikastaro trinkoak, eta autoikaskuntza bidezkoak.
Aurrez aurrekoak, hilabete batekoak izango dira: uztailean bat, eta irailean bestea. B2 eta C1 azterketak prestatzeko izango dira, eta astean hiru egunez emango dituzte, gehi tutoretza orduak; 30 ordu, guztira. Ikastaro horietan, soilik eman dezakete izena, bukatu berri den ikasturtean euskaltegian aritutako ikasleek.
Autoikaskuntza bidezkoetan, aldiz, edozein herritarrek eman dezake izena. Bi hilabeteko iraupena izango dute horiek, uztaila eta iraila; eta 76 ordu izango dira guztira.
Ikastaro horiek, Hernaniko Udalak diruz lagunduko ditu. Informazio gehiagorako, jarri harremanetan euskaltegiarekin: hernani@aek.eus helbidean, edo 607 592 864 telefonoan.
Euskera ikastea doan izateko eskaera, ikasleek
Bestalde, Hernanialdeko AEKko ikasleek, taldeko argazkiak egin dituzte, euskera ikastea doan izatea eskatuz; eta bat egin dute Kontseiluaren aldarrikapenarekin.