Luis Goñik Mutriku-Deba itsas zeharkaldia irabazi zuen atzo laugarren aldiz eta bide batez zeharkaldiko errekorra ere egin zuen. 35:51 denbora behar izan zuen 3.000 metroak betetzen eta aurreko urteko marka 12 segundotan jeitsi zuen. Ez zen egun makala izan Goñitarrentzat; Ordizian Enaitz Goñik, Luisen semeak, domina lortu zuen Euskal Herriko alebin txapelketan. 400 estilotan brontzea eskuratu zuen.