Zubiri berriz ere, garaipenaren atean

zubiri goizuetarra azpitxapel­dun geratu da Promozio Tor­neoan. Eloyrekin batera 20-40 galdu zuten Etxarri eta Laba­karen aurka azken partidua, larunbatean. Azken bi txapel­keta ofizialetan finalera iritsi da Zubiri, baina bietan ez du irabazteko aukerarik izan parti­du erabakiorrean; ez Sa­gar­doaren Txapelketan, ez eta Promoziokoan. Hala ere, ba­lan­tzea positiboa da fi­nalera iristea ez bait da erraza izaten.
Etxarri eta Labaka gehiago izan ziren partidu osoan zehar, alde haundiarekin. Eloyk orain bi hilabete eskas egin du debuta eta urduri­tasuna nabaritu zuen. Zubirik ez zuen laguntzerik izan eta aurkariak oso sendo aritu ziren bai aurreko koadroetan, baita atzekoetan ere. Merezi­tako garaipena.