Hernaniko San Joanak pasata, eta Astigarragako Santio jaien aurretik, bide erdian ospatuko dituzte San Fermin jaiak, Martindegi auzoan. Datorren ostiraletik igandera izango dira.
San Fermin egunaren bezperan hasiko dituzte festak, kalejira eginez, goizeko 11:00etan. Eta hortik aurrera, makina bat zita izango dira, ostiralean bertan: haur jolasak, buruhaundiak goizean; marrazki tailerra, karabina tiro lehiaketa, puzgarri bereziak, tortilla lehiaketa eta sagardo dastaketa arratsaldean; eta Bide Batez taldearekin erromeria gauean.
Makina bat ekintza izango dira asteburuan ere; besteak beste, larunbateko auzo bazkaria. Horretarako, txartelak salgai daude, uztailaren 5era arte, Martindegi elkartean.