Bost izango dira aurten, uda Hernanin pasako duten haur sahararrak. Iaztik errepikatuko dutenak dira lau, Mohamed Uadadi Mohamed-Moulud, Fatma Mohamed-Moulud, Hayat Salma Bad eta Usama Selma Mohamed Lamin; eta bat etorri da aurrenekoz: Jadya Bahim Salem Hanafi.
Luis Intxauspe alkateak eman zien ongietorria, eta herrian ondo pasatzera gonbidatu zituen. Harrera familiei, berriz, eskerrak eman zizkien, eta Udalaren laguntza eskaini.
Hamaiketako eder batekin borobildu zuten ongietorria.