San Joanak tarteko izanda ere, lehian aritu dira CD Hernaniko atletak. Eta maila ederrean, gainera! Haundia egin zuen Jon Alonsok, Gasteizen: urrezko domina lortu zuen, Euskadiko Txapelketan, kadete mailako mailu jaurtiketan. 4 kiloko mailua, 27,95 metrora jaurti zuen hernaniarrak.
Baina hori ez zen izan, taldeko atletek asteburuan lortuko zuten podium bakarra. Larunbatean bertan, Andoaingo Kros Mistoa izan zen, bikote mistoek lehiatu zutena, 5 kilometroko ibilbidean. Eta bertan, podiumera igo ziren, taldeko hiru atleta: bigarren postua lortu zuten Ane Otaegik eta Antxon Kortak; eta hirugarrena Eva Esnaolak, Unai Sorrondegi ilobarekin batera.
Eta azkenik, igandean, Doneztebeko Krosaren 40garren edizioan ere izan zen hernaniarrik. 7,5 kilometroko ibilbidean, 29:24 denbora egin zuen Xabier Barberenak, beteranoetan hirugarren sailkatzeko.