Emanaldia antolatu dute gaur gauerako, Goizuetako Iskibi kanpinean; baina saio berezia izanen da: Lau ikuskizuna eskainiko du Muskulo taldeak, musika, dantza eta zinea uztartuz. Gaueko 23:00etan hasiko da emanaldia.
Lau izeneko diska kaleratu zuen talde oiartzuarrak, aurrena. Lau abesti, taldeko lau kideek (Iker Fernandez, Oscar Manso, Oskar Moran eta Ander Fernandez) sortutakoak. Eta hortik, Lau proiektua jarri zuen martxan taldeak: «Lau kide, hamaika lagun; lau abesti, hamaika soinu; lau film, hamaika irudi; lau dantza, hamaika mugimendu; hamaika emozio, mundua mugitu!».
Hori izanen da gaurko ikuskizuna, beraz: lau abesti, lau film, lau dantza, lau musikari eta hamaika lagun.
«Musika, dantza eta zinearekin gozatzeko aukera aparta izanen da», luzatu diete gonbitea guztiei, Iskibi kanpinetik
Zuzenean joko du Muskulo musika taldeak, eta beraien musikarekin batera, 20 minutuko dantza pieza bat ikusteko aukera izanen da. Eta horrez gain, zenbait laburmetrai edo bideoklip jarriko dituzte.
Emanaldira sarrera, doan
«Musika, dantza eta zinearekin gozatzeko aukera aparta izanen da», aurreratu dute Iskibi kanpinetik, eta gonbitea luzatu diete, nahi duten guztiei. Izan ere, emanaldia ikusteko sarrera, doakoa izanen da.