Dobera Euskara Elkarteak Axeri Dantzaren DVDa plazaratuko du gaur, eta gainera gaur bertan Sandiusterrin dokumentala bera eskainiko du, 18:30etan.
Dokumentalean, 2017 urtean grabatutako 3 film ikusi daitezke: ohiko Axeri Dantza, Axeri Dantza gaztea eta Axeri Dantza mistoa + Maider Garmendiaren elkarrizketa (Axeri Dantza mistoaren betiko partaidea).
Bestalde, ekitaldiaren sortzaile eta parte hartzaileen elkarrizketak ere ikusi daitezke: Jon eta Segundo Alejos (soka antolatzaileak), Lierni Tolosa (Axeri gaztea), Luis Telleria (Axeri Dantzariaren sortzailea), Xabier Iriarte (ikerlaria eta ekitaldiaren sustatzailea). Errealizatzaile lanetan Jokin Labaien aritu da.
Jokin Labaien izan da dokumentalaren errealizatzailea eta herriko talde ezberdinek egin dituzte aportazioak
DVDa salgai egongo da, Dobera/Kronikako bulegoan, 10 eurotan eta beste bi modu ere badaude DVDa eskuratzeko: 943 33 27 99 zenbakira deituz edo dobera@dobera.eus helbide elektronikora idatziz.
Doberak eskerrak eman nahi dizkie bideoa egiten lagundu duen guztiei eta bereziki Txantxangorri elkarteari.
Luis Telleriaren koadroa, enkantean
Dokumentala egin ahal izateko herriko talde ezberdinen aportazio ekonomikoa ere jaso da.
Eta Luis Telleriak, koadro bat oparitu du, enkantean jarri da DVDa finantzatzeko dirua lortzearren. Irteera prezioa 250 eurokoa izango da.