Oka jolasaren antza daukan mahai-jolasa da Auka Jokoa, baina Astigarragako historia eta ondare materiala eta ez-materiala ezagutzeko balio duena. Haur eta helduak, lagunartean edota familian elkartu eta Astigarraga hobeto ezagutzea da helburua, ezagutza hori «sagardogintzara bakarrik» ez mugatzeko. Sei gairen inguruko galdera-erantzunekin lotutako tableroa prestatzen ari dira, hainbat saiotan, eta hil honetan beste hiru saio egingo dira. Aurreneko biak aste honetan: ostiralean, 09:30etan euskeraz, eta larunbatean, 17:30etan elebietan. Hurrengoa, berriz, hilaren 18an izango da, 17:30etan elebietan baita ere. Saio guztiak kultur etxean egingo dira, doan, Urkiri Salaberiak zuzenduta.