Emaitza borobilik gabe, maila ona asteburuan

Lasterketaz betetako aste­bu­rua izan zuten pasa dena, txirrindulari astigartarrek; eta emai­tza borobilik lortu ez zuten arren, maila ederrean aritu ziren. Protagonista izan ziren, bakoitza bere katego­ri­an, Enekoitz Azparren, eta Tel­mo eta Urko Sem­pe­re­na anaiak.
Azparrenek lortu zuen pos­turik onena, Agurainen 8ga­rren sailkatuta, kadeteetan. Zortziko talde batean iritsi zen, ihes eginda, baina garai­pena lehiatzeko aukerarik ga­be, txirrindulari indartsu eta azkarren aurrean.
Urko Semperenak, berriz, Tolosan izan zuen lasterketa, eta eguneko ihesaldian sartu zen, Gaintzan behera, dozena bat txirrindularirekin. Altzo eta Orendain mendateak gain­ditu ondoren, Altzo bigarre­nez igotzean geratu zen atzean, helmugatik kilometro gutxi­ra. Azkenean, atzeko taldeak ere gainditu zuen astigartarra, eta 27garren iritsi zen.

Gipuzkoako Itzulian, Telmo
Eta Telmo Semperena, azke­nik, junior mailako Gipuz­koa­ko Itzulian aritu zen: prologoa eta hiru etapa. Aurreneko hiru etapetan maila onean aritu ondoren, Aitor Larra­ña­ga taldekidearentzat lanean ari­tu zen azkenekoan; izan ere, lau­garren zegoen sailkape­ne­an, zortzi segundura.
Urrutitik saiatu ziren, lide­rrari erasotzen. Sem­pe­renak eta Ibai Rodriguez tal­dekideak egin zuten ihes Liernian, eta pixka bat beranduago, Larra­ña­gak berak. Semperenak itxa­ron zion aurrena, ihesal­dian sartzen laguntzeko, eta Rodri­guezek lagundu zien gero, aurrean sartu zirenean. Baina nekea eta beroa tar­te­ko, atzean geratu zen Telmo. Larrañagak ere nabaritu zuen nekea, eta onenen taldeak ha­rrapatu eta gainditu zuen. Azkenean, 26garren bukatu zu­en etapa Larrañagak, eta 17garren postuan Itzulia.