2017ko azarotik 2018ko martxora bitartean, Cebancen Oinarrizko lanak ostatuetako pisuetan izeneko ikastaroa burutu da. Proiektuan parte hartu duten 15 ikasleen artean 13k lortu dute profesionaltasun ziurtagiria. Horietatik 9k kontratua sinatu dute sektoreko hainbat enpresekin. Beste 4ak, sektoreko enpresetan, baita ere, praktikak egiten ari dira.
Kalifikazio bajukoei edo iraupen luzeko langabetuei zuzendua
Formazio ekintza honek kontratazio konpromisoa zuen, eta Beterri-Buruntza eskualdeko Andoain, Astigarraga, Hernani, Lasarte-Oria, Urnieta edo Usurbil herrietan erroldaturiko eta, bereziki, kalifikazio bajukoei edo iraupen luzeko langabetuei zuzenduta zegoen.
Diplomak jaso berri dituzte 13 emakumek lan programa osatu ondoren. Cebanc eraikinean egin zen ekitaldian. Proiektuaren helburu nagusiak dira Beterri-Buruntza eskualdeko prestakuntza gutxiko emakume langabetuak lan munduan txertatzea, enplegagarritasunaren hobetzea eta formakuntza profesional eta pertsonala, eta emaitzak argi ikusi dira.