Kanpaina jarri du martxan Euskal Sagardoa Jatorri Deiturako sagardoak: Egin zotz! Ostegunero sariak banatuko dira tabernetan Euskal Sagardoa eskatzen dutenen artean. Era berean, egunero Zubeltzuren gindilla-azeituna edo Basatxerriren txorizo mokadua emango dira opari, eta hilero bestelako ekitaldiak ere antolatuko dira: urriaren 4an, adibidez, Euskal Pintxo Potea, eta urriaren 5ean, afari maridatua Tripontzi jatetxean. Erreserbak egin daitezke dagoeneko: 943 55 57 24.