Udalekuak egingo ditu CD Hernaniko atletismo sailak abuztuan zehar. Bi txandatan izango da: abuztuak 6-17, eta abuztuak 20-31; eta etzi izango da izena emateko azkeneko eguna. Horretarako, emailera idatzi beharko da: atletismoudalekuakcdh@gmail.com. Txanda bakoitzaren prezioa 55 eurokoa da; bi anai-arreba apuntatzen badira, aldiz, 50 euro ordainduko ditu bakoitzak. Astelehenetik ostiralera izango dira, goizeko 09:30etatik 13:30etara, atletismo pistan, gorputza mugitu eta kirola egiteko.