Bigarren edizioa izango du gaurkoa, Kronikaren San Joanetako Mus Txapelketa Mistoak. Atsegindegin jokatuko da, arratsaldeko 17:30etan; eta ordu erdi lehenago izango da izena emateko aukera, 17:00etatik aurrera. 20 euro dira bikoteko, eta noski, mistoak izan behar dute bikoteek, genero ezberdinetako partaideekin. Norbaitek bikoterik ez badauka, gerturatu daiteke, eta bakarrik apuntatzen direnekin, osatuko dira bikoteak.
Izena eman duten bikoteekin, partiden zozketa egingo da 17:30etan, eta orduan hasiko da txapelketa.
Hiru bikote onenek, sari potoloak
Joan den urtean bezala, giro ederra izango da txapelketan, ziur; eta hiru bikote onenentzat, sariak ere ez dira nolanahikoak izango: irabazleentzat, txapela, trofeoak, oroigarriak, lau txuleta, Arriatzuko bi barazki saski, bi otordu Akarregin, eta Kideko bi botila ardo; bigarrenentzat, oroigarriak, bi pala artistiko, bi otordu Errioguardan, Akarregiko bi kaja sagardo, eta Aitan-Etxeko bi botila ardo; eta hirugarrenentzat, oroigarriak, Ibai-Mendiko erosketa bonoa, Balerdiko gazta bat, eta Aitan-Etxeko bi botila ardo.