Gaur egingo dute, San Joan egunez, urteroko Dantza Suelto Txapelketa, Kriskitiña Dantza Taldeak eta Hernaniko Udalak antolatuta. Plazan izango da, arratsaldeko 18:00etan hasita.
Toki askotatik etorritako dantzariak ariko dira bertan; Gipuzkoakoak bakarrik ez, baita Bizkaia eta Arabakoak ere: Azpeitia, Errezil, Lezo, Villabona, Hernani, Azkoitia, Gasteiz eta Sopelako dantzariak, hain zuzen ere.
Eta partehartzaileen artean, izango da bikote hernaniar bat ere: Aimar Garaiar eta Emeren Irurtzun.
Txapelketako bikote bakoitzak, dantzatu beharko du fandangoa, Hernaniko Txistulari Bandak joko duena; eta arin-arina, Beñat Luluaga eta Aitzol Txapartegi trikitilarien eskutik.
Epaimahaia, berriz, dantzari beterano adituek osatuko dute, antolatzaileek aurreratu dutenez.