San Joan egunaren bezpera iritsi da; urteko egunik luzeena eta gaurtik motzena uztartzen diren momentua. Hori horrela, San Joan bezperako ohiko ospakizunak izango dira gaur, herrian.
San Joan zortzikoa, gaurko doinuetako bat
Txirriskla taldeko txistulariek emango diote hasiera egun berezi honi. Arratsaldeko 19:00etan aterako dira, eta kalez kale ibiliko dira, San Joan zortzikoa jotzen.
Sua, Foru plazan
Eguna eta gaua elkartuko diren momentuko protagonista, berriz, San Joan sua izango da. Foru Plazan piztu da, 22:30etan.
Astigar dantza taldeko dantzariek su horren inguruan dantzatuko dute San Joan zortzikoa, eta ikusleei eskatu diete plazaren bazterretan jartzeko, erdigunean dantzarako lekua gelditu dadin.
Festarekin bukatzeko, zezensuzkoa aterako da, eta txistulariek Iriarena joko diote; hain zuzen, Txomin San Sebastian zenak Astigarragan bertan jasotako Iriarena doinua.