San Joan jaien atarian, herritar guztiei zuzendu zaie Hernaniko PSE-EE, eta jai zoriontsuak opa dizkie: «baina gogoratu, posible dela festa eta atsedenerako eskubidea uztartzea», nabarmendu du.
Ricardo Crespok, Hernaniko sozialisten bozeramaileak, adierazi du «guztiok festetaz gozatzeko», kontziente izan behar dela, «guztiok daukagun atsedenerako eskubideaz, izan lan arrazoiengatik, osasunagatik edota hala nahi dugulako, jaiak modu lasaiago batean gozatzeko». Zentzu horretan, azpimarratu du: «guztiok jaiez gozatu dezagun lortzea erraza da, nahikoa da gainerakoak errespetatzea».
«Buruan grabatu behar dugu lema: ez bada bai, da ez»
Beste dei bat ere egin du Crespok, «jaietan genero indarkeria kasurik izan ez dezagun». Horretarako, nabarmendu du presente izan behar dela «ez bada bai, da ez» esaldia: «alegia, beharrezkoa da esplizituki onartzea, harreman sexualak izateko garaian. Buruan grabatu behar dugu lema hori; ez bada bai, da ez», dio Crespok.
Lemaren harira, adierazi du «bikain» jasotzen duela, beste pertsonaren onarpen espliziturik gabe, ez dagoela onarpenik. «Baiezko erantzun bat beharrezkoa da, ez da nahikoa erantzunik ez jasotzea, jakintzat emateko onarpen sexual hori badagoela».
Kontu horiek gogoan izan, eta festez gozatzera animatu ditu herritarrak, PSE-EEk: «gora San Joanak!».