‘Herritik’ herriari eskainia, gaurkoa

Urtea bera bezala, bereziak izango dira aurtengo San Joan jaiak, Ttarla dantza taldea­ren­tzat, bere 25garren urteurre­nean: txupinazoa botako dute bihar, jaiei hasiera emateko.

Baina horren aurretik, ema­naldia eskainiko dute gaur, tal­deko dantzariek. Arratsaldeko 18:00etan hasita, Tilosetan, Herritik ikuskizuna izango da, herriari eskainia.

San Joanei begira, denak

Gaur bezala, protagonista izan­go dira bihar ere, Ttarlakoak. Eta beraiek suziria botatzea­re­kin batera, lehertuko da fes­ta herrian. Honezkero, jaiei begi­ra egongo dira denak! Larun­ba­tarekin tokatuko da aurten, akaso egun bereziena; San Joan bezpera. Ohiko ekintzek ez dute huts egingo, txupina­zo­aren aurretik, haurren ma­rrazki eta karabina tiro lehia­ketak eta Gazteen Axeri Dantza tartean. Eta arratsaldean hasi­ko dira, San Joan suari bidea egingo dioten: haurren aurres­kua, Akelarrearen iragarle txi­ki­en irteera, Akelarrearen ka­lejira eta antzerkia Plazan, San Joan erronda, Kantuz eta Ozen­kiren kontzertua, Salbe Nagu­sia, eta Musika Bandaren San Joan Martxa. 21:30etan piztuko dute sua, herritarren aurres­ku­a­rekin eta kantaitarekin.

Gauean, musika izango da protagonista, txoko guztietan.