Fernando Ederrari agur berezia, gaur

Berezia bezain jendetsua izan­go da, gaur, Fernando Ederra zenari egingo dioten agurra. Atsegindegin jarri dute zita, iluntzeko 20:00etan, eta ome­naldia egingo diote, mu­si­ka­ren eta kantuaren mun­du­ko makina bat talde eta nor­ba­nakok, Kantuz Kultura Elkar­teak antolatuta.

Omenaldian bereziki pres­ta­tutako bideo bat proiek­tatu­ko dute, eta makina bat ber­tso­lari, abesbatza, musikari, kan­tari eta taldek eskainiko di­tuz­te emanaldiak; 37 talde edo nor­banakok, guztira: Eñaut eta Unai Agirre, Amets Arzallus, Kantuz abesbatza, Ozenki abes­batza, Ander eta Joanes Ederra, Buffalo, Burrunba taldea, Urbil Artola, Aitor Huizi, Xabi San Sebastian, Juanjo Otxan­do­re­na, Alan Griffin, Joxan Goi­ko­e­txea, Joxemari Irastorza, Jone Barrenetxea, Arantxa Ansa, Io­su­ne Marín, Gema Inés, Saioa Irisarri, Ainara Gartzia, Oiha­na Ezeiza, Ixiar Jauregi, Lara Mi­txelena, Maialen Belategi, Jon Mari Beasain, Joseba Alda­soro, Xabi Agirrezabala, Beñat Alva­rez, Mikel Berrondo, Naroa Jaka, Jon Ander Olazabal, Josu Vergara, Imanol Kamio, Ro­ber­to Pacheco eta Iñaki Eguren; Hernaniko ikastetxe eta Mu­si­ka Eskolen laguntzarekin.

Eta emanaldi sorta buka­tze­an, atseden bat egingo dute, azkeneko kontzertuari bidea egin aurretik.

Burrunba taldearen kontzertua, bukatzeko

Gaueko 23:00etan izango da hori, eta Burrunba taldeak eskainiko du, «rumba kutsuko musika alaia eskainiz», aurre­ratu dutenez.

Omenaldira eta kontzertura sarrera, doakoa izango da.