Estatuko Trinketeko Txapel-ketako finala jokatu zuen Oier Gurutzealdek larunbatean Iruñean, Julen Loitegi urnietarra lagun zuela. «Partidu fisikoa eta gogorra» izan zela aitortu du astigartarrak, baina etsi gabe egin zuten borroka bukaerara arte, eta txapelarekin bueltatu dira etxera.
Hasierako emaitzari buelta emanda, borrokari eutsi
Aurrez aurre izan zituzten Esteribar taldeko Santesteban eta Iriarte, eta haiek lortu zuten aurreneko txandan garaipena, 15 eta 11. Gurutzealde eta Loitegi ez zeuden, ordea, etsitzeko prest, eta bigarren bueltan, emaitza bera, baina aldekoa lortu zuten: 11 eta 15.
Bikote bakoitzak partidu bana irabazita, azken norgehiagokan guztia erabakitzeko zegoen.
Azken lehian dena eman zuten bi bikoteek, txapela baitzegoen jokoan. Azkenean, Gurutzealde eta Loitegik lortu zuten aldeko emaitzak: 7 eta 10ekoak eman zien garaipena.