Joan den larunbatean agurtu zuen denboraldia, Mundarroko futbol sailak. Eta modurik onenean eman zioten bukaera, gainera! Gipuzkoako Koparen finala jokatu zuten lehenengo mailako erregionalek, eta garaipen haundia lortu zuten!
Elgoibarren kontra jokatu zuten finala, Orioko Mendibeltz zelaian; eta bikain ekin zioten moreek, partiduari. Aurreneko zatian nagusi izan ziren, oso joku onarekin, eta 2-0 aurreratu ziren markagailuan, Asier Zabala eta Ion Gaztelumendik egindako bi golekin. Bigarren zatia orekatuagoa izan zen, baina bikain eutsi zioten emaitzari moreek, Joseba Aranaren gola tarteko (3-1).
Beraz, ospakizunen artean eman zion bukaera Mundarrok, denboraldiari.
Gipuzkoako Kopa irabazita, bukaera polita denboraldiari!
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!